يمكنك بالفعل التقديم علي طلب " الهجره الي أستراليا " اذا كان التخصص المطلوب مدرج ضمن قائمه العماله المهره المتخصصه الي أستراليا .
أستراليا الافضل كمعيشة للمحاسبيين وفرص عمل ومرتبات مقارنة بكندا الي صعب تشتغل فيها محاسب .
علينا أولا بمعرفه ومناقشه العديد من النقاط قبل البدء في التقديم علي الطلب من خلال الموقع الرسمي لاداره الهجره والجنسيه بأستراليا :-
1- عليك أولا بمعرفه نوع التأشيره التي سوف تقوم بالتقديم عليها وسيتم شرحها بالتفصيل .
2- بعد معرفه نوع التأشره وذلك من خلال قائمه الوظائف المطلوبه سنويا وتسمي ب Skilled Ocuupation List واختصارها SOL الي أستراليا وموضحا بالصوره المرفقه التخصص وأنواع التأشيرات
3- عليك بعمل اختبار وحساب نقاط الهجره قبل البدء في التقديم لمعرفه هل انت مستوفي نقاط التقديم علي طلب الهجره وهل الخبره والكفاءه الي أستراليا مناسبه لدي شروط ومتطلبات اداره الهجره والجنسيه بأستراليا أم لا .
4- البدء في التقديم من خلال حساب Account علي الموقع الرسمي لاداره الهجره والجنسيه بأستراليا
5- البدء في تقديم ما يسمي ب" خطاب مدي الاهتمام الرغبه " وبالانجليزيه Expression of Ineterest واختصاره EOI
6- البدء في الاطلاع علي المهام والواجبات والمسئوليات الوظيفيه لمهنه المحاسبين في أستراليا من خلال كود ANZSCO وهو ( 221111 ) ويمكنك الدخول علي اللينك التالي للقراءه والاطلاع ومعرفه معلومات أكثر عن المحاسبين في أستراليا
7- من ضمن شروط الهجره تقديم الملف الخاص بك الي نقابه / منظمه التقييم المهني الخاصه بك من أجل الاطلاع علي الملف الخاص وتقديم المزيد من نقاط في ملفك ويسمي ب Migration Assessment من خلال Assessing Authority الخاصه بك .
8- ما هي منظمات / نقابات تقييم مهنه المحاسبين في أستراليا ، وهنا نجد انهم 3 منظمات أساسيه وهم :-
- Chartered Accountants Australia and New Zealand http://www.charteredaccountants.com.au
- CPA Australia Ltd http://www.cpaaustralia.com.au
- Institute of Public Accountants Ltd http://www.publicaccountants.org.au
9- عليك الأن بالبدئ في فهم أنواع التأشيرات المتاحه للمحاسبين الي أستراليا وهم
- 186 - Employer Nomination Scheme visa (subclass 186) report caveats apply
للمزيد أضغط هنا
- 189 - Skilled Independent (subclass 189) - Points-Tested
للمزيد أضغط هنا
للمزيد أضغط هنا
- 190 - Skilled Nominated (subclass 190)
للمزيد أضغط هنا
للمزيد أضغط هنا
- 407 - Training visa (subclass 407)
للمزيد أضغط هنا
- 485 - Temporary Graduate (subclass 485) - Graduate Work
للمزيد أضغط هنا
- 489 - Skilled Regional (Provisional) visa (subclass 489) - Family sponsored
للمزيد أضغط هنا
- 489 - Skilled Regional (Provisional) visa (subclass 489) - State or Territory nominated
للمزيد أضغط هنا
- 482 - Temporary Skill Shortage (subclass 482) – Medium Term Stream
للمزيد أضغط هنا
- 187 - Regional Sponsor Migration Scheme (subclass 187)
للمزيد أضغط هنا
** نظام النقط Points في استراليا للهجرة
1- نقط السن
لو سنك اقل من 24 تاخد 25 نقطة
لو سنك من 25-32 تاخد 30 نقطة
لو سنك من 33-39 تاخد 25 نقطة
لو سنك من 40-44 تاخد 15 نقطة
لو سنك اكبر من 44 تاخد صفر نقطة بشرط متعديش 50 سنه
2- نقط الشهادة
بكالريوس او اي شهادة اعلي منها واقل من الدكتوراه تاخد 15 نقطه
يعني لو بكالريوس او ماجستير تاخد 15 نقطه
لكن لو معاك دكتوراه تاخد 20 نقطه
لو معاك دبلوم تاخد 10 نقط
ملحوظة عشان فيه ناس بتتلخبط لو معاك دكتوراه بتبقي 20 نقطة بس ، مش 20+15 بتوع البكالريوس
3- نقط سنين الخبره
لو خبرتك 3 سنين تاخد 5 نقط
لو 5 ل 7 سنين تاخد 10 نقط
لو من 8 ل 10 سنين تاخد 15 نقطة
4- نقط اللغه
هنكلم ع الايلتس لانه الاشهر ، الايلتس امتحان لغة انجليزي مكون من اربع اقسام "تحدث - استماع - كتابة - قراءة" كل قسم بيبقي من 9 درجات ،
لو جبت 7 من 9 في كل فرع بتاخد 10 نقاط
لو جبت 8 من 9 في كل فرع بتاخد 20 نقطة
5-نقاط الشريك "الزوج او الزوجة"
لو عمل معادلة لمهنته ومهنته كانت مطلوبة فى استراليا بتاخد 5 نقط
_________________________________
**معادلة الشهادة والخبرة اولا Authority
*مش هتقدر تاخد نقط الكلية والخبرة من غير المعادلة*
عشان تقدر تعادل شهادتك يوجد 3 جهات للمعادلة بتختار واحد فيهم بس
وهم
1- CPA Australia
2- The Institute of Chartered Accountants in Australia
3- Institute of Public Accountants
**ايه المطلوب للمعادلة
1-ايلتس اكاديمي تكون جايب 7 في كل فرع من 9 ، ومينفعش يقل عن كده
2-شهادة الجامعة ، والمحتوي العلمي ، وكشف الدرجات "مترجمة او انجليزي من الجامعة"
3-شهادة خبرتك في العمل متوضح فيه الفترة الي اشتغلت فيها وراتبك ومهامك الوظيفية وامضاء المدير وختم الشركة وجهات الاتصال ،
موثقة بتأمين اجتماعي "او" كشف حساب بنكي بتحويل الراتب ، ويفضل الاثنين مع بعض "لو معكش خبرة مفيش مشكلة مش بيتحسبلك نقط علي خبرة العمل"
_________________________________
** انواع الفيزا الي تقدر تسافر بيهم "3 انواع"
1-فيزا 189 ودي افضلهم ، وتقدر تهاجر باقامة مفتوحة وتعيش ف اي مقاطعة برحتك
2-فيزا 190 ودي كويسة ، وبتاخد اقامة مفتوحة ، ودي بتكون بترشيح مقاطعة ، انك مقاطعة بتكون عايزه محاسبيين بتقدم فيها ولو جالك ترشيح بتاخد 5 نقاط وبضفهم لنقطك ، وبتدي وعد للمقاطعة انك تعيش فيها ، بس ممكن متعش فيها وتعيش ف اي مقاطعة
3-فيزا 489 وفيزا كويسة ،بس متعبه شويه ، وبتاخد 10 نقط ، وبتكون ف الاماكن النائية "الغير محببة من الاستراليين ومن المهاجرين" وبتاخد فيزا بـ 4 سنين بس وليست مفتوحة ،
ف اول سنتين لو اشتغلت سنة Full Time ف المنطقة دي تاخد الاقامة المفتوحة
، تقدر بعد الاقامة المفتوحة تروح المكان الي انت عايزه .
الخلاصة : ان 3 فيز متاحيين للمحاسب وان
فيزا 190 بتديك 5 نقط ، وفيزا 489 بتديك 10 نقط
_________________________________
** استراليا عايزه منك كام نقطة
بتقدر تتابع ANZSCO
Accountant-General/221111
www.facebook.com/groups/VisaWizard
حاليا 85 نقطة وبتنزل لـ 80 نقطة ..
_________________________________
** درس عملي
انت حد مثلا معاك 8 سنين خبرة ، يبقي تاخد 15 نقطة
مثلا
جبت 7777 الايلتس تاخد 10 نقط
سنك تحت 32 سنة تاخد 30 نقطة
عدلت بكالريوس تاخد 15 نقطة
شريكتك وظيفتها مطلوبة وعدلت شهادتها وجابت 6666 فالايلتس 5 نقط
جبت ترشيح من مقاطعة "فيزا 489 10 نقط
انت كده جبت 85 نقطة .. مبروك .
_________________________________
** الاسئلة الاكثر شيوعا
هل محتاج بعد ما اروح استراليا اعمل معادلة تاني او ادخل اختبارات تاني؟
لا
هل لو هاجرت مينفعش انزل مصر اجازات؟
الكلام ده مش حقيقي وتقدر تنزل برحتك ، بدون اي قيود، وفيه فرق بين الهجرة واللجوء
.
هل ينفع شهادة خبرة من غير تامين اجتماعي او Bank statement ؟
للاسف لا ، وحتي فكرة payslip فرصتك ضعيفة جدا
.بترمي فلوس ف الارض
.
ايه رايك اضرب شهادة خبرة، واعمل تأمين باثر رجعي ؟
ممكن يتعملك بلوك 5 سنين من استراليا عشان احيانا بيبعتوا حد مكان عملك ،
ومفيش تأمين باثر رجعي سهل ، لازم ترفع قضية ع صاحب العمل حتي لو هو موافق ومرضي ، وهيترمط مرمطه كبيرة وهياخد مخالفات وغرامات ولازم تقدم اي اثبتات انك كنت شغال زي اقرار ضريبي خاص بيه للموظفين ، الموضوع مستحيل
.
** اختبارات مقياس كفاءة اللغه الانجليزيه وهي اختبار واحد منهم
- IELTS
- PTE ACADEMIC
- TOEFL
- IESOL
تكلفة الايلتس كام وامتحانه فين؟
2900 جنيه فى مصر ، ف البرتش كنسل واماكن تانيه كتير
https://www.britishcouncil.org.eg/exam/ ... -locations
** الدراسه والتحضير جروسكيلز GrowSkills
https://www.facebook.com/GrowSkills
..
هل الايلتس سهل اجيب 7777 ،8888 ، مش سهل ومش صعب اوي
عايز وقت ومذاكرة وتحضير وتعب .
.
صلاحية الايلتس قد ايه ؟
سنتين
..
تكلفه المعادلة كام ليا كمحاسب ؟
473 دولار استرالي"
صلاحية المعادلة قد ايه ؟
سنتين بس
.
هل ينفع ابعت شهادتي واعمل معادلة من غير ايلتس عشان اتأكد ان شهادتي تمام ؟
ينفع طبعا ، بس مش هتستلم معادلة الا Mail حتي بطئن قلبك ومش هتقدر تقدمها لجهة للهجرة الا لما تمتحن الايلتس وبتدفع مصاريف supplementary service form ولما بتجيب 7777 ايلتس بتستلم الشهادة رسمية بالمعادلة ..
.
انا تجارة انجليزي ، Auc ، Guc ، هل لازم معادلة؟
اه لازم ونفس الاجرائات بالظبط
.
ممكن جهة المعادلة ترفض شهادتي ؟
جامعات الحكومية المصرية في المحاسبة مش هتترفض ، بس ممكن تطلب منك كذا مادة تذاكرها وتمتحن فيها اونلاين
.
انا معايا Cma او Cpa او Acca الخ هاخد عليه نقط الهجرة؟
لا مش بتديك اولوية ولا نقط،
احيانا بتفرق ف المعادلة من حيث انك ممكن متمحنش بعض المواد ،
وبتفرق معاك لما تسافر ف CV في انك تلاقي وظيفة
.
انا معايا ماجستير اقدمه للمعادلة؟
الافضل ليك لا متقدموش لو مقدم سنين خبرة ف فترة الماجستير،
لان ممكن يحسبولك سنين الخبرة بعد الماجستير ،
ولو سنين خبرتك بعد الماجستير الافضل انك تقدم
متوسط مرتب المحاسب كام ف السنة في اسراليا؟
56 الف دولار استرالي
..
هل التعليم لاولادي مجانا ؟
لو فيزا 190-189 اه ف التعليم الاساسي ، وف التعليم جامعي يقدر ياخد قرض دراسي طويل المدى
لو فيزا 489 لا ، بتكون علي حسابك ، لحد ما تاخد اقامة المفتوحة بعد كده مجانا ، ملكش تاخد قرض
.
النقط كتير اوي ، والموضوع صعب ، هل فيه امل انها تنزل او حل تاني ؟
1-ممكن تنزل لـ 75 نقطة ، بس موعدكش انها تنزل لـ 70 نقطة
2-الهجرة عن طريق الدراسة ، انك ممكن تعمل ماجستير وبيكون الموضوع سهل كتير . بس الموضوع مكلف اوي اوي اوي لان الدراسة غالية جدا ومصاريف المعيشة غالية
3-ممكن تهاجر عند طريقة الزوجة لو وظيفتها مطلوبة والنقط المطلوبة لوظيفتها قليلة ، المهندس بينزل لـ 65 نقطة ، ابحث وشوف وظيفتها ايه ونقطها قد ايه ، لو افترضنا انها ممكن تجيب 65 نقطة لو جابت 8888 واقل من 32 سنة وعادلت شهادتها من غير سنين خبرة، غير 5 نقط بتوعك لو عادلت شهادتك ،ممكن تاخد ترشيح مقاطعات وتاخد نقط عليها
ملحوظة : ان بتاخد اقامة مفتوحة انت وعيالك ع حس مراتك لو خدت فيزا 189-190
، يعني لو حبيت تسافر لوحدك كزوج مع ان مراتك الي مقدمه مفيش مشكلة
.
حد قالي اقدر اقدم بـ 65 نقطة ؟
ينفع تقدم بس ، بس مش هتجيلك الا لو النقط المهنة نزلت لـ 65 ، التقديم حاجة ، وانك تتقبل حاجة تانية
.
حد قالي لازم تحط فلوس ف البنك وانت بتقدم؟
استراليا ونيوزلاندا مش محتاجه ، كندا بس الي محتاجه الموضوع ده
.
مش هاخد نقط من شريكي "زوج-زوجة"
، مطلوب من شريكي ايه ؟
4.5 ايلتس او
لو كانت دراستها ف الجامعة باللغة الانجليزية بتجيب شهادة بكده من الجامعة بديل الايلتس
.
ينفع اضيف ابويا او اختي ف ملف الهجرة ؟
لا ، زوجتك واطفالك بس ، وينفع تعمل اقامة لوالدك مؤقتة بتكلف مبالغ كبيرة ووقت كبير، وليهم انواع كتير من الفيزا
الاخ والاخ مينفعش تعملهم اقامات
.
هل ممكن بعد ما شروطي تستوفي اترفض ؟
في حالة التزوير او المعلومات الخاطئة ، وفي حالة انك لم تتجاز الكشف الطبي
.
هل الكشف الطبي صعب ؟
بيرفض الحالات الي تكلف الدولة اموال كثيرة
www.facebook.com/groups/VisaWizard
www.facebook.com/groups/Way2IELTSTOEFL
2 تعليقات
اولا جزاك اللة كل الخير. على المحتوى الرائع الشامل ولكن لى سؤال هل معادلة الشهادة المحاسب فى 3 اماكن اللى حضرتك ذكرتهم تحتاج إلى امتحانات ام فقط تقديم ورق رسمى ولك جزيل الشكر
ردحذفواللة نفس السؤال محيرنى بس هو كاتب أن ممكن يطلبوا مواد تمتحن فيها اون لاين
حذف