الهجرة إلى استراليا
أنا عايز أهاجر أستراليا و مش عارف أعمل إيه و أبتدى منين و إزاى
خطوات الهجرة إلى استراليا بالتفصيل و التي عن تجربة
خلينا نعترف إن إجراءات الهجرة مش سهلة و لكن فى نفس الوقت مش مستحيلة .... و إن الهجرة محتاجة مجهود و تعب و مذاكرة و مصاريف بس إحنا فى زمن مافيش فيه حاجة سهلة....و دايما " يفوز باللذات كل مُغامر" و أن "الدنيا تؤخذ غلابا"
يعنى اللى عايز يوصل لازم يتعب ..... لازم يحط هدف و يشتغل على نفسه عشان يقدر يحقق هدفه
إعرف دايما إن تحقيق الهدف محتاج وقت و صبر .... مش هتقرر تهاجر النهاردة و تسافر بكرة
الوقت اللى محتاجه إنت اللى تقدر تحدده بناء على درجة إستعدادك .... فى واحد ممكن يقدم و يتقبل و يخلص إجراءات بعد 6 شهور و فى واحد تانى ممكن يكون محتاج سنة عشان على ما يكون جاهز للتقديم
على سبيل المثال الهجرة بتحتاج أيلتس ... يبقى لازم أشوف مستوايا فى اللغة إيه و محتاج وقت أد إيه للمذاكرة و هل هاقدر أذاكر مع نفسى و لا محتاج كورسات ... لو ذاكرت مع نفسى يبقى أحط لنفسى وقت محدد و خطة زمنية ... لو محتاج كورسات يبقى أحسب الوقت اللى محتاجه و المصاريف اللى محتاجها للكورسات دى عشان فى النهاية أكون جاهز لدخول الإمتحان و تحقيق السكور المطلوب للتقديم ....
ندخل بقى فى الموضوع
أنواع مختلفة للهجرة الي استراليا
منها على سبيل المثال
- هجرة استراليا للمستثمرين فيزا
Business Innovation and Investment (Subclass 188) - ترشيح صاحب عمل فيزا
Employer Sponsored (Subclass 186) & (Subclass187) - بنظام النقط فيزا
Points Tested Skilled (subclass 189) & (Subclass190) - فى أنواع تانية ممكن التعرف عليها من خلال موقع الحكومة
"http://www.border.gov.au/"
إحنا هنتكلم على آخر نوع اللى هو بنظام النقط للهجرة الصحيحة لأستراليا
يعنى إيه نظام النقط ؟! ... النقط يعنى مجموعة من العوامل ... العوامل دى بيتم تجميعها فى شكل نقط ... و لازم المتقدم يحقق الحد الأدنى من النقط عشان يقدر يقدم على الهجرة .... الحد الأدنى المطلوب هو 60 نقطة
*** الخطوة الأولى للهجرة لأستراليا ***
قبل ما نعرف النقط بتتحسب إزاى لازم الأول نشوف إذا كانت المهنة بتاعتنا موجودة على قايمة المهن المطلوبة فى أستراليا و لا لأ
السنين اللى فاتت كان فى قايمتين للمهن
- القائمه الأولى : قائمه العماله المهره المطلوبه الي أستراليا Skilled Occupation List (SOL)
- القائمه الثانيه : قائمه العماله الموحده Consolidated occupation List (CSOL)
تتقدم بطلب للهجرة الماهرة عن طريق الترشيح من قبل حكومة الولاية أو الإقليم ، فيجب عليك ترشيح مهنة من قائمة المهن الدعائية الموحدة (CSOL). ومع ذلك ، إذا كانت مهنتك مدرجة أيضًا في قائمة المهن الماهرة (SOL) ، فيحق لك أيضًا التأشيرة المستقلة الماهرة.
القائمه الأولى كانت خاصة بالمهن التي لا تحتاج الي ترشيح من ولاية و لا صاحب عمل يعنى اللى مهنته موجودة على القايمة دى كان بيجمع النقط و يقدم و لما يتم قبوله بيقدم على فيزا Skilled independent visa 189 و يحضر شنطته و يسافر
أما القائمه التانية للمهن اللى بتحتاج ترشيح و دى لازم تجيب عقد عمل من شركة هناك و تقدم على Employer sponsor visa 187-186-457 أو بتجيب ترشيح مقاطعة و بتدخل على مواقع المقاطعات و تشوف هل مهنتك مطلوبة فى المقاطعة و تقدم و لو جبت ترشيح الولاية بتقدم على Skilled nominated 190 & 489
الجديد السنة دى أنه تم إلغاء القايمتين اللى فوق و تم إستبدالهم بقايمتين جداد
Medium and long Term Strategic Skills List (MLTSSL)
و القائمتين هيتم مراجعتهم كل 6 شهور عن طريق إدارة أو مكتب العمل و هيتم إضافة أو إلغاء وظائف بناء على حاجة سوق العمل
يبقى أول خطوة فى الهجرة إلى أستراليا إن الوظيفة بتاعتنا تكون على قايمة الوظائف المطلوبة
ندخل على قائمة الوظايف
أو أضغط علي اللينك التالي
فى القايمة هنلاقى كل وظيفة مكتوب جنبها الآتى:
- كود الوظيفة
- القايمة إذا كانت MLTSSL أو STSOL و دى مهمة عشان نعرف إذا كانت الفيزا Independent و لا nominated يعنى محتاجة ترشيح أو مش محتاجة ترشيح
- و الجهة المسئولة عن تقييم المؤهل و سنوات الخبرة
بالنسبة للوظايف Independent أو nominated ممكن نعرف عن شروطهم أكتر من خلال
Skilled Independent Visa Subclass 189
خاصة بالوظايف اللى مش محتاجة ترشيح
Skilled nominated visa subclass 190
خاصة بالوظايف اللى محتاجة ترشيح
فى حالة إن الوظيفة محتاجة ترشيح مقاطعة يبقى هندخل على موقع كل مقاطعة و نشوف هل الوظيفة مطلوبة و لا لأ
لو مطلوبة بندخل على موقع المقاطعة و نقدم من خلال ملأ
مواقع المقاطعات الأسترالية
***الخطوة الثانية للهجرة إلى استراليا***
لقينا الوظيفة فى القايمة و عرفنا محتاجين ترشيح و لا لأ .....ننبدأ فى الخطوة التانية اللى هى حساب النقط ...
النقط زى ما قولنا بتتحسب بناء على مجموعة عوامل و لازم نجمع الحد الأدنى من النقط عشان نقدر نقدم على الهجرة ... الحد الأدنى اللى هو 60 نقطة زى ما قولنا
إيه بقى العوامل اللى بيتحسب عليها النقط ؟!
أولا : الســـــــــن
------------------
من 18 إلى 24 ← 25 نقطة
من 25 إلى 32 ← 30 نقطة
من 33 إلى 39 ← 25 نقطة
من 40 إلى 44 ← 15 نقطة
من 45 إلى 49 ← 0 نقطة
السن بيتحسب لو عندك مثلا 31 سنة و 10 شهور عند التقديم يبقى انت بتحسب 30 نقطة لأنك لسه مادخلتش فى الـ 33 سنة
ثانيا : المؤهل الدراسى
--------------------
مؤهل متوسط ← 10 نقط
بكالوريوس – ماجستير ← 15 نقطة
دكتوراة ← 20 نقطة
نقط المؤهل بتتحسب على أعلى مؤهل يعنى مثلا لو معاك ماجستير يبقى هتحسب 15 نقطة مش (بكالوريوس+ماجستير)
ثالثا : الخبرة فى مجال العمل
------------------
من 0 و أقل من 3 سنوات ← 0 نقط
من 3 و أقل من 5 سنوات ← 5 نقط
من 5 و أقل من 8 سنوات ← 10 نقط
أكتر من 8 سنوات ← 15 نقطة
رابعا : اللغة الإنجليزية
------------------
مطلوب إثبات إجادة اللغة الإنجليزية بتقديم شهادة إجادة اللغة فى أى من الإمتحانات المعترف بيها فى أستراليا زى الـ IELTS - TOEFL - PTE
أشهر الإمتحانات دى طبعا الـ IELTS و اقل سكور مقبول للتقديم هو 6
Competent (6 قراءة – 6 كتابة – 6 إستماع – 6 محادثة) ← 0 نقط
Proficient (7 قراءة – 7 كتابة – 7 إستماع – 7 محادثة) ← 10 نقط
Superior (8 قراءة – 8 كتابة – 8 إستماع – 8 محادثة) ← 20 نقطة
و لازم تحقيق الدرجة المطلوبة فى كل باند من البنود الأربعة مش توتال
يعنى لو مثلا حد جاب سكور (6.5 – 8- 8- 8) يبقى هياخد 0 نقط رغم ان التوتال 7.5
لازم تحقق (7- 7- 7- 7) عشان يتحسب لك 10 نقط الخاصين باللغة وده بنسميه ال Overall يعني الاجمالي يعني في كل باند Band تكون جايب 7 .
صلاحية الإمتحان 2 سنين ... لو مر على امتحان الأيلتس أكتر من 2 سنين لازم إمتحان جديد
Valid for 2 years
*** ملحوظة هامة جدا ****
لازم نخلى بالنا إن بعض التخصصات زى الأطباء و المهندسين ممكن يطلب منهم سكور 7 من الجهة المسئولة عن التقييم أو المعادلة
فى عوامل تانية ممكن المتقدم ياخد عليها نقط زى:
1- لو فى سنوات خبرة أو دراسة فى أستراليا .
2- ترشيح مقاطعة (5 درجات)
3- الزوج أو الزوجة عندهم وظيفة مطلوبة و سنين خبرة و حققت السكو ر المطلوب فى اللغة و عملت تقييم (5 درجات)
يبقى نقول تانى عشان ما ننساش إحنا محتاجين إيه ..
1- يكون معانا أيلتس سكور 6 على الأقل عشان نقدر نقدم على هجرة .... بس محتاجين 7 على الأقل عشان يتحسب لنا نقط
2- إننا نقيم شهادتنا و سنين الخبرة ... طيب نقيمها إزاى ... ندخل على قايمة المهن المطلوبة هنلاقى جنبها مكتوب الكود و الجهة المسئولة عن التقييم
اللينك ده فى جهات التقييم Assessing authorities المسئولين عن تقييم شهادات الخبرة و المؤهلات الدراسية
كل جهة تقييم لها ويب سايت خاص بيها و عليه كل خطوات عملية التقييم بالتفصيل ... بتعمل أبليكيشن أون لاين و الدفع بيكون أون لاين أو حوالة أو بأى طريقة بيقبلوها
*** برضو أحد التحديثات فى الإجراءات إن بعض جهات التقييم لبعض الوظائف بقى فيها أوبشن إرسال الشهادات للتقييم بالإيميل بالإضافة إلى الأوبشن القديم اللى هو عن طريق البريد و بيتم إرسال نتيجة التقييم لك بالإيميل (كان بيتم إرسال المستندات موثقة بالبريد فقط و بيتم إستلام نتيجة التقييم بالبريد)
جهة التقييم بتطلب Assessing authorities
- * صورة شخصية موثقة (public Notar)
- * صورة من الباسبور موثقة طبق الأصل (توثق من public Notar)
- * أصل المؤهل العلمى باللغة الإنجليزية موثق من أمين عام الجامعة
- * شهادة خبرة مفصلة بالمهام الوظيفية موثقة (Public Notar)
- و بيتم تقييم سنوات الخبرة و المؤهل بالمقارنة الوظيفة اللى تم إختيارها من قايمة المهن المطلوبة
*** نخلى بالنا برضو إن الوظايف النظرية مثال الوظائف الإدارية مثلا بتختلف فى تقييمها عن الوظائف العملية زى الأطباء و المهندسين و الفنيين .... الوظائف النظرية قد تحتاج تقييم فقط ... لكن بعض التخصصات العملية قد تحتاج لإمتحانات لمعادلة شهاداتهم .... و الحرف بيكون مطلوب إختبارات عملية .... عموما المعلومات الخاصة بتقييم كل وظيفة موجودة على سايت جهات التقييم.
*** الجديد برضو إن صلاحية نتيجة التقييم أصبحت 3 سنوات (كانت سنتين)
*** الخطوة الثالثة للهجرة إلى استراليا***
خلاص إمتحنا الأيلتس و عملنا التقييم و جبنا ترشيح المقاطعة إذا كان مطلوب و جمعنا الـ 60 نقطة المطلوبين
الخطوة اللى بعدها هى عمل أبليكيشن على موقع الحكومة أو Express of interest (EOI)
ماذا تعني جمله او /طلب Express of interest (EOI ؟
ـ صلاحية الـ EOI سنتين من تاريخ التسجيلطلب بسيط اي طلب مبدئى يعني ويعبر عن مدي الاهتمام والرغبه في التقديم ويحتوي علي المعلومات العامه الخاصه بمقدمي الطلبات
لازم يكون معاك نتيجة إمتحان الأيلتس و نتيجة التقييم عشان تقدر تملا بيانات الـ EOI
بتدخل تسجل على الموقع و بيطلب بياناتك الشخصية و بيطلع لك رقم EOI ده بتحتفظ بيه لأنك هتستخدمه كل ما تحب تدخل على الأبليكيشن بتاعك و بيتبعت لك إيميل تأكيد ببيانات الأبليكيشن بتاعك و رقمه
بعد كده بتدخل و تتبع الخطوات للهجرة
- - الأول هيسألك على نوع الفيزا Visa Scheme اللى مقدم عليها سواء 190 أو 189 .... إلخ
- - ثانيا هيسال على أفراد العائلة اللى تحب تضيفهم للأبليكيشن
- - ثالثا هيسألك على المقاطعة المفضلة للعيش فى أستراليا و اللى يفضل تحصل منها على ترشيح
- - رابعا هيسألك على إمتحان اللغة ... بتدخل كود الإمتحان و تاريخ اللى دخلت فيه الإمتحان و السكور اللى حققته
- - خامسا هيطلب منك تدخل المؤهلات العلمية (بكالوريوس – ماجستير ... إلخ)
- - سادسا هيطلب منك تدخل كود الوظيفة بتاعتك (من قايمة المهن) و هيطلب منك رقم شهادة التقييم اللى وصلتك من جهة التقييم
- - سابعا بيسألك إذا كنت هتحصل على نقاط إضافية على تقييم الزوج أو الزوجة
- - ثامنا هيطلب منك تدخل سنوات الخبرة العملية
بعد كده بتملا الـ declaration أن المعلومات اللى قدمتها صحيحة و بيطلع لك Visa type summary اللى انت كنت اخترتهم فى الاول و لو كنت استوفيت كل أجزاء الأبليكيشن بتعمل submit
و بيطلع لك breakdown لعدد النقط بتاعتك هو بيحسبه أوتوماتيك بناء على المعلومات اللى إنت دخلتها
الـ EOI مش بيتعبر أبليكيشن هجرة و لكن بيعتبر كده زى طلب مبدئى بيدخل فى pool و بيتم الإختيار من خلاله للناس بناء على عدد نقاطهم ... يعنى مثلا لو فى مطلوب خلال الشهر ده اختيار 1000 واحد من المتقدمين يبقى هيتم الإختيار بين اللى محققين عدد نقاط أعلى
صلاحية الـ EOI سنتين من تاريخ التسجيل
فى حالة تم إختيارك بيتم إبلاغك عشان تبتدى إجراءات التقديم على الفيزا و البدء فى إجراءات الهجرة
ولو عايز معلومات أكتر
تابعونا علي جروب VisaWizard Australia
http://www.facebook.com/groups/VisaWizardAustralia
للمراسله والتواصل البريد الرسمي لمنظمه رابطه الجاليات العربيه لاتفيا الاتحاد الأوروبي من خلال البريد الالكتروني التالي
- arabcan@gmail.com
- info@arabcan.org
مواقعنا الالكترونيه
- http://www.ArabCan.net
- http://www.arabcan.org
- صفحتنا الرسميه فيسبوك https://www.facebook.com/ArabCan
شاركونا النجاح .. جروب
https://www.facebook.com/groups/Engleze
https://www.facebook.com/groups/Way2IELTSTOEFL
https://www.facebook.com/groups/Way2GREGMAT
https://www.facebook.com/GrowSkills
https://www.facebook.com/groups/PTEAcademicTest
https://www.facebook.com/groups/PrepWay
https://www.facebook.com/EDUEgypt
https://www.facebook.com/groups/BookletStore
https://www.facebook.com/Engleze
https://www.facebook.com/groups/ArabCan
https://www.facebook.com/groups/ArabScholar
https://www.facebook.com/groups/Hegra
https://www.facebook.com/LanguageCert
https://www.facebook.com/OETEgypt
https://www.facebook.com/PTEAcademicEgypt
تابعونا ..
منظمة رابطة الجاليات العربية Arab Can
المركز العربى لشئون الهجرة والتوطين حول العالم
Arab Can | Arab Communities Association Network Organization
Arab Immigration and Citizenship Centre
http://www.ArabCan.net - http://www.ArabCan.org
